Дзікія качкі ў горадзе ўжо звыклая з'ява для аршанцаў - яны жывуць і на Аршыцы і на Дняпры і на Куцеенцы - у тых вадаёмах дзе дастатковая глыбіня і хапае натуральнага корму. Але каб качкі жылі проста на вуліцы ў лужыне - гэта не звычайная з'ява. Хаця, магчыма, калі лужына дастаткова глыбокая - а ў Оршы бывае і такое, асабліва ў прыватным сектары - то падыйдзе і такі вулічны вадаём.
Вось такая пара качак - самец і самка - былі заўважаныя на вуліцы Пралетарскай. Канешне гэта мілае відовішча - пасярод вуліцы ў вясновай лужыне камфортна плаваюць дзікія птушкі. Але ж жыхары вуліцы пралетарскай таксама жывуць з гэтай лужынай, а некаторыя ўжо таксама паспелі паплаваць у ёй. За што мы плацім падаткі? - задаецца рытарычным пытаннем аўтар фотаздымкаў.
