Дадзеныя па колькасці насельніцтва за першы квартал 2019 года апублікавала статыстычная служба краіны Белстат. Змяньшэнне колькасці насельніцтва адзначана амаль па ўсёй краіне. Толькі Мінская вобласць (але не сам Мінск) паказала прырост насельніцтва на 69 чалавек. А ў астатніх вабласцях выміранне склала ад 1.145 (Мінск) да 2.700 (Віцебская вобласць) чалавек. У тых лічбах якія прыводзіць Белстат Аршанскі раён - лідар па змяньшэнні колькасці насельніцтва. За квартал раён стаў меньшым на 317 чалавек, за намі па гэтым паказчыку ідзе Барысаўскі раён (мінус 268 чалавек) і Полацкі (мінус 231 чалавек).
Раней Орша была адзіным горадам краіны большым за 100 тысяч чалавек, колькасць насельніцтва ў якім змяньшалася. У дадзеным выпадку статыстыка не выдзяляе асобна горад і раён.
