Бухгалтарка аднаго з сененскіх дзяржаўных прадпрыемстваў не магла сабе дазволіць дарагі мабільнік, але ж вельмі хацелася. Вось і прыдумалася схема як выкарыстаць службовае становішча. На працы яна склала даверанасць на сваё імя, падпісала подпісам дырэктара прадпрыемства, падрабіўшы яго. Мабільнік iPhone X 64GB за 3.000 рублёў яна паехала набываць у Втцебск. На баланс прадпрыемства тэлефонны апарат так і не патрапіў - не для таго гэтая схема прыдумлялася. Ды і да таго як усё выявілася жанчына ўжо была звольнена з прадпрыемства.
Але ў выніку адной з праверак міліцыя раскрыла ўсю схему і знайшла мабільнік ды і яго ўладальніцу. Цяпер жанчына знаходзіцца пад крыміналкай і справа дакладна будзе перададзена ў суд.
