Інфармацыя пра тое, што каля чыгуначнай станцыі Лучоса пашкоджаны помнік Леніну з'явілася амаль тыдзень таму. Насамрэч, само пашкоджанне скульптуры адбылося яшчэ вечарам 4 мая. Як высветліла міліцыя, Леніна пашкодзілі двое выпіўшых маладых чалавекі. Адзін з іх 25-гадовы жыхар суседняга Лёзненскага раёна, другі 30-гадовы жыхар Сянно. Абодва хлопцы прыхільнікі анархізму і таму не прымаюць камуністычную ідэалогію ды яе атрыбуты.
Анархісты зламалі Леніну руку і пашкодзілі ката, які па задуме скульптара лашчыўся аб правую нагу ідэалага камунізму. Помнік быў у свой час усталяваны па прыватнай ініцыятыве і за ўласныя сродкі, таму і была пададзена заява ў міліцыю. Хаця помнік і не ўяўляе гістарычнай каштоўнасці, анархісты панясуць пакаранне па артыкуле хуліганства паводле крымінальнага кодэксу. маладзёны былі затрыманыя ў Віцебску на здымнай кватэры. Знайсці іх удалося дзякуючы камерам відэа-назірання ў садаводчаскім таварыстве каля якога і стаяў помнік.
Помнік быў пастаўлены тут у мінулым годзе як жарт мастака ў якога тут знаходзіцца лецішча. Па задуме скульптара, Ленін рукой паказвае кату дарогу на яго лецішча.
