Інфармацыя аб рэлігійным ашуканцы ўпершыню з’явілася на афіцыйным сайце Віцебскай дыяцэзіі. Вернікаў папярэджвалі аб тым, што на тэрыторыі Віцебскай вобласці нехта Георгій Крот, які прадстаўляецца «архімандрытам» Грузінскай праваслаўнай царквы з Абхазіі, а таксама настаяцелем скіта Дабравешчання Прасвятой Багародзіцы ў Рэспубліцы Беларусь, збірае ахвяраванні нібыта на будаўніцтва храма, а таксама праводзіць царкоўныя абрады за плату.

Як паведамляе УУС Віцебскага аблвыканкама, падчас аператыўных мерапрыемстваў, супрацоўнікамі было ўстаноўлена, што 33 гадовы ўраджэнец Магілёўскай вобласці да 2012 года працаваў качагарам, пасля чаго «перакваліфікаваўся» ў святара. У якасці доказу прыналежнасці да праваслаўнага кліру махляр выкарыстаў падробленыя дакументы. Свядома уводзячы ў зман вернікаў, ён пераследваў асабістыя карыслівыя інтарэсы. Прадстаўляючыся праваслаўным святаром прапаноўваў зрабіць ахвяраванні на грузінскія манастыры. Грашовыя сродкі атрымліваў таксама праз размяшчэнне ў сетцы інфармацыі аб зборы ахвяраванняў на будаўніцтва храма праз сацыяльную сетку.Атрыманыя ашуканскім шляхам ахвяраванні мужчына траціў на асабістыя патрэбы. У мэтах папулярызацыі сваёй дзейнасці, звесткі аб абрадах ён размяшчаў у сацыяльных сетках у адкрытым доступе.

Акрамя гэтага, падчас праверкі інфармацыі ўстаноўлена, што ілжэсвятар на адной з асабістых старонак размясціў матэрыялы парнаграфічнага зместу гомасексуальнага характару, даступныя для вольнага прагляду і запампоўкі. Па дадзеным факце ўзбуджаная крымінальная справа па ч. 2 арт. 343 КК Рэспублікі Беларусь.

Яшчэ адна крымінальная справа крымінальная справа па ч. 1 арт. 205 КК Рэспублікі Беларусь ўзбуджаная па факце крадзяжу. З’ехаўшы са здымнага жылля ў Аршанскім раёне, мужчына выкраў вопратку, бытавую тэхніку, 6 абразоў і 8 царкоўных кніг.

На дадзены момант ілжэсвятар затрыманы.