Рэгіён, Здарэнні

Пажары ў кватэры і дзвюх лазнях

22.07.2019 11:26

2323 прагляду, 0 каментароў

На вуліцы Заслонава ў Оршы, а таксама ў дзвюх лазнях ў Лёзненскім і Талачынскім раёнах былі пажары.

Увечары 20-га ліпеня адбылася цэлая серыя пажараў у нашым рэгіёне. У 16-25 паступіла паведамленне аб пажары ў кватэры па вуліцы Заслонава, дом 18 у Оршы. У выніку пажару ў кватэры, якая належыць грамадзянцы 1964 г.н., у памяшканні кухні 3×3,5 м пашкоджана падлогавае пакрыццё на плошчы 0,2 кв.м., закураны сцены, столь.

У 18-52 паступіла паведамленне аб пажары лазні ў вёсцы Канашкава Лёзненскага раёна. У выніку пажару ў лазні 3×3,5 м, якая належыць грамадзянцы 1956 г.н., пашкоджаны дах, столевае перакрыцце.

А ў 22-17 паступіла паведамленне аб пажары лазні ў вёсцы Вугалеўшчына Талачынскага раёна. У выніку пажару знішчаны лазня 3×3 м у доме 6×8 м, які належыць грамадзяніну 1977 г.н., знішчаны дах.

Прычыны ўсіх пажараў высвятляюцца.