Орша, Здарэнні

Знес усё што магчыма (фота)

08.08.2019 17:01

6014 праглядаў, 1 каментар

У цэнтры Оршы аварыя. Пацярпелі: дзве машыны, дрэва, светлафор і скрыня

Аварыя на скрыжаванні вуліцаў Леніна і Камсамольскай адбылася каля 13-30 8 жніўня. Сутыкнуліся легкавушка і смеццевоз Спецаўтабазы. Падобна на тое, што легкавушка ехала па Леніна з боку Раніцы, а смеццевоз выязжаў па Камсамольскай з боку рынка. Хто каму не саступіў дарогу разбярэцца ДАІ, а ў выніку сутыкнення легкавушка разбіта ўшчэнт — яе запчасткі разляцеліся па ўсёй дарозе і далей працягваць рух самастойна яна ўжо не магла. Смеццевоз жа, спрабуючы сыйсці ад сутыкнення, выехаў на газон дзе затармазіў не адразу. Па дарозе ён паспеў кабінай закрануць светлафор для пешаходаў і звярнуць яго. Далей на шляху грузавіка патрапілася метлаічная скрыня, якая, патрапіўшы пад колы смеццявоза, застрала там і паехала далей разам, цягнучы за сабой драты з-пад зямлі. Наступнай перашкодай для грузавіка было дрэва. Ад удару дрэва пераламілася: крона і ствол паваліліся на кабіну машыны, а пень ад дрэва таксама патрапіў пад ніз машыны і разам са скрыняй, якая там ужо была, змог заблакаваць колы машыны. Толькі пасля гэтага грузавік спыніўся.