Орша, Культура

Артыкул за артыкулам

19.08.2019 19:29

2595 праглядаў, 12 каментароў

У беларускай Вікіпедыі абвешчаны месяц Аршанскай бітвы.

Сёлета ў верасні адзначаецца 505-годдзе Аршанскай бітвы. Аўтары беларускай Вікіпедыі заклікаюць адмыслоўцаў і проста неабыякавых людзей ствараць на працягу месяца артыкулы пра гэтую значную падзею ў беларускай гісторыі — працы шмат, бо ў Бітве шмат нявысветленых момантаў. Акрамя таго, пра шмат якіх герояў і падзеі Аршанскай бітвы артыкулы ў інтэрнэт-энцыклапедыі альбо адсутнічаюць, альбо маюць патрэбу ў істотным дапаўненні. Месяц Аршанскай бітвы пачаўся 15 жніўня і скончыцца 15 верасня.

Напрыклад, неабходна стварыць артыкулы па такіх тэмах як: Польска-тэўтонская вайна, Ільля Астроскі, Бітва пад Вішняўцом, Пётар Фірлей, Рыгор Чаляднін, сьпіс Крымскіх ханаў, кульверына, абложная вежа, Разанскае княства, Ганс Крэль, 500-годдзе Бітвы пад Воршай (манэта), бард, нунцы, Сцяпіён Афрыканскі і многія іншыя тэмы. Яны датычаць асобаў ВКЛ і Кароны, Масковіі, сям’і Астроскіх, войска, геаграфіі, крыніц і памяці пра бітву.

Падрабязнасьці і ўмовы месяца Аршанскай бітвы.