Орша, Культура

Фестывальны дзень

05.09.2019 13:44

3716 праглядаў, 1 каментар

Адразу два фестывалі пройдуць у Оршы за адзін дзень

У абед 8 верасня — дакладней а 15-00 — у парку «Казачная краіна» распачнецца фестываль мыльных пухіроў. Арганізатары абяццаюць інтэрактыўнае шоў з пухірамі-гігантамі, настолькі вялікімі, што ў іх можа змясціцца дарослы чалавек. І гэта не ўсё. На фестывалі чакаюцца выступы фокуснікаў, аніматараў, розныя конкурсы і г.д. Кошт уваходу на фестываль даволі не вялікі — 5 рублёў, пры тым, што ў гэты кошт ужо ўваходзіць набор для стварэння ўласных мыльных пухіроў.

А 21 гадзіне ў тым жа парку і ў той жа дзень распачнецца фестываль вагню «Разам запальваем». Перад аршанцамі выступяць калектывы фаер-шоў са сваімі праграмамі. На вячэрнім фестывалі таксама акрамя асноўнай праграмы будуць конкурсы, інтэрактыўныя атрыкцыёны і розныя іншыя актыўнасці. Кошт уваходу на фестываль вагню — 10 рублёў.