У гэтым месяцы летась кампанія «Брэміна» задумала перайменаванне, што відавочна было звязана з уведзенымі супраць рэжыму Лукашэнкі санкцыямі, у адзін з пакетаў уключылі і ўладальніка лагістычнага цэнтру, набліжанага да Лукашэнкі алігарха Зайцава.

Высветлілася, што АМГА «Звяз» улады планавалі ліквідаваць у кожным выпадку, для чаго распрацавалі планы А і Б. Першы прадугледжваў прамую ліквідацыю моладзевага аб’яднання, што і адбылося, другі — ліквідацыю ў сувязі са стратай памяшкання, «Воршакамгас» проста разарваў дамову арэнды.

У гэтым месяцы наш сайт пачаў публікацыю ўспамінаў Гэры Калкіна пра Воршу пачатку ХХ стагоддзя. Яе матэрыялы набралі папулярнасць. У лістападзе мы апублікавалі часткі пра бацьку апавядальніка, забаўны эпізод з казой на галаве, сыход з хедэру і пагром 1905 году.

Каля гандлёвага цэнтру «Ворша-Сіці» захрас аўтамабіль. Кур’ёз актыўна абмяркоўваўся ў горадзе.

На Молакава адбылася трагедыя — у пажары згарэў чалавек.

На грамадскае абмеркаванне выставілі прынцыпова важнае пытанне — ці пакінуць мотатрасу на Куцеенцы.

У канцы месяца ўлады заблакавалі наш сайт на тэрыторыі Беларусі. З таго момнту ён даступны з тэрыторыі Беларусі толькі праз ВПН. Што сімвалічна, канчаткова гэта адбылося 26 лістапада на дзень народзінаў нашага славутага земляка Уладзіміра Караткевіча.

У нашым горадзе адбылося затрыманне мужчынаў, якія планавалі заняцца прастытуцыяй.

Былі навіны і ад палітвязняў — аршанец Аляксей Коршун збег з «хіміі» за мяжу.