Заходняя - раён з даволі кепскай інфраструктурай. Хаця тут жыве вялікая колькасць людзей, гандлёвае абслугоўванне застаецца слабым. Усяго тры ОРСаўскіх крамы (калі лічыць краму каля чыгуначнага тэхнікуму) і адзін маленькі Еўраопт на Сельгастэхніцы. Праўда ёсць яшчэ шэраг малых прыватных крамак, але зачастую яны не могуць сабе дазволіць вялікі асартымент харчоў.
Пры такім слабым гандлі ў раёне, у верасні ён стаў яшчэ горшым. Спачатку на рамонт зачынілася крама з народнай назвай "Ёлочка", якая належыць ОРСу. Цяпер калі ў гэтай краме рамонт скончаны (ці амаль скончаны), зачыняецца крама №4 па вуліцы Чырвонагвардзейскай. Крама зачыніцца ў панядзелак 16 верасня, да таго часу павінна ўжо адчыніцца "Ёлочка".
Выканкам выдзяліў у гэтым раёне два ўчасткі для будаўніцтва гандлёвых цэнтраў, але інвестар не спяшаецца ісці на Заходнюю, хаця паржывае тут больш за 10.000 чалавек ды колькасць насельніцтва працягвае расці за кошт новых будоўляў.
