Звычайна ў Беларусі чыноўнікаў адпраўляюць у парламент як на пенсію. Рэдка хто з парламента зноў вяртаецца ў чыноўніцкае крэсла, тым больш высокае крэсла. Шлях з парламента на сваю ранейшую пасаду зрабіў былы старшыня Дубровенскага райвыканкаму Анатоль Лукашоў.
15 кастрычніка прэзідэнт падпісаў указ аб прызначэнні былога мэра Дуброўна новым мэрам Дуброўна. Анатоль Лукашоў нарадзіўся ў 1960 годзе у расейскай вёсцы Вялікі Бор Клінцоўскага раёна Бранскай вобласці. Пасля сканчэння Віцебскага ветэрынарнага інстытута вярнуўся ў родны Клінцоўскі раён дзе працаваў ветэрынарам у саўгасе. А пазней на тую ж пасаду пайшоў у саўгас Арловічы Дубровенскага раёну. Адсюль і пачалася кар'ера будучага дэпутата парламента - быў прызначаны першым намеснікам старшыні райвыканкаму, начальнікам упраўлення па сельскай гаспадарцы і, нарэшце, старшынёй Дубровенскага выканкаму. З гэтай пасады Лукашова і адправілі ў парламент. Тэрмін дэпутатаў Палаты прадстаўнікоў 6-га склікання скончыўся раней патрэбнага і цяпер былы мэр вяртаецца на сваю пасаду пасля парламенцкага перапынку.
Зразумела, што сёняшні старшыня выканкаму Алег Лындзін пакідае пасаду на якую быў прызначаны ўсяго ў 2016 годзе.
