У Беларусі даўно сталі вельмі папулярнымі барныя інтэлектуальныя гульні. Гэта магчымасць не проста з сябрамі схадзіць у кавярню, але яшчэ і магчымасці паспаборнічаць у адказах на на разумныя ды вясёлыя пытанні, даведацца нешта новае. Моду гэтую распачала гульня «Мазгабойня», а пасля яе з’яўлення пачалі з’яўляцца розныя варыцыі такіх гульняў. У Мінску падобных гульняў можна налічыць ужо з дзесятак. Орша — адзін з нямногіх рэгіёнаў дзе ёсць свой варыянт гульні.

«Бітва розумаў» — наш мясцовы інтэлектуальны прадукт. З па-за мінулага года акрамя Оршы «Бітва розумаў» пачала ісці яшчэ і ў Глыбокім. На кожную гульню тут рэгіструюцца каля 10 камандаў. Сярод якіх пакуль самай моцнай выглядае каманда «Перлы».

Развіваецца гульня і ў Оршы. Спорт-бар «Ліга» ў якім гульня пачынала сваё жыццё ўжо стаў цесным для ўсіх ахвотных гуляць. І ў гэтым сезоне «Ліга» шукае новыя магчымасці як сабраць усе каманды. Так, у пачатку сезона (ён пачынаецца з канца жніўня) была спроба зрабіць два гульнявых дні. Адзін з іх ішоў традыцыйна ў «Ліга», а другі ў кавярні «Шалет». А 65-ая гульня прайшла, магчыма, у самым вялікім рэстаране горада «Атмасфера» ў Лядовым палацы. Першае месца за кошт аднаго з мацнейшых «Бліцаў» атрымала каманда «Анархія» — 28 балаў у Бліцы і 85 балаў агулам. Другое месца заняла каманда «Звяз» — тая ж колькасць балаў (28) у бліцы і 83 за гульню. А трэцяе месца «Азяблая вавёрка» — 16 балаў у бліцы і 76 за гульню.

Бліжэйшая гульня ў Оршы — 29 кастрычніка.

На фота: пераможцы 25-ай гульні ў Глыбокім.

На фота: пераможцы 65 гульні ў Оршы.