Самае вядома месца сталінскіх рэпрэсій у Оршы - Кабыялкі сталі сімвалам рэпрэсій для аршанцаў. Гэта адзінае месца масавых расстрэлаў НКУС адзначанае паўнавартасным помнікам у нашым рэгіёне. Не дзіўна, што менавіта тут і збіраюцца людзі, каб ушанаваць памяць расстраляных.
На гэты раз 2-га лістапада тут сабралося больш за 40 чалавек, некаторыя з якіх пабывалі тут першы раз. Асаблівы інтарэс прысутных выклікаў расповед жанчыны, якая была тут у дзень калі адкрылася адзіная даследваная магіла. Пасля таго дня яна да 2019 года тут ні разу больш не бывала.
Пад канец мерапрыемства прысутрныя зачыталі частку прозвішчаў людзей расстраляных у 1937 годзе ў Оршы. Усе зачытаць іх было б немагчыма, бо сёння вядома больш за 1700 чалавек расстраляных у нашым горадзе. Скончылася ўсё паніхідай адслужанай праваслаўным святаром.
