Рагачоў - горад у якім Уладзімір Караткевіч быў наездамі, але тут шмат пісаў і па гэтым праве гэты горад спрабуе пазіцыянаваць сябе як галоўны горад звязаны з імём вялікага аршанца. Тут прынамсі 6 мемарыяльных шыльдаў звязаных з Караткевічам, ёсць свой дом-музей і, нават, дрэва Кпраткевіча. Не дзіўна, што тут таксама дзень народзінаў Уладзіміра сямёнавіча святкуюць цэлы тыдзень - як і ў Оршы.
На гэты тыдзень галоўны Рагачоўскі музей адкрывае экспазіцыю па творчасці Караткевіча "Мой чароўны беларускі край", у цэнтральнай бібліятэцы раёну, як, дарэчы, носіць імя Караткевіча, адкрыецца выстава кніг "Наш зямляк - вялікі майстар слова". І ў бібліятэцы і ў музеі ў гэтыя дні будуць праходзіць лекцыі па творчасці пісьменніка, фотаконкурсы, адмысловыя экскурсіі, гульні. І, нават, навуковая канферэнцыя па жыцці Караткевіча ў Рагачове. Таксама чакаецца, што ў горад на гэтыя дні прыедзе Магілёўскі абласны тэатар лялек са спектаклем "Сіняя-сіняя" па аднайменным апавяданні класіка.
