Гаворка ідзе пра Еўраопт які зараз будуецца ў раёне Заходняй на завулку Дальнім. Нагадем, што гэтая невялікая крама будуецца проста ў двары пяціпавярховага дома. Гэта выклікала пратэст часткі жыхароў, але на сустрэчы з чыноўнікамі, на якой прысутнічаў і прадстаўнік Еўраопту, як прыхільнікі будаўніцтва, так і праціўнікі будаўніцтва адмовіліся ад адкрытага галасавання, а па дадзеных чыноўнікаў большасць з прысутных выступіла за працяг будаўніцтва.
Таксама, каб супакоіць тых хто выступаў супраць, прадстаўнік Еўраопта на той сустрэчы сказаў, што грузавікі з таварамі для крамы не будуць заязжаць у двор дома, а разгружацца з боку завулка Дальняга. Крама хутка будзе здадзена ў эксплуатацыю і першыя грузавікі з таварамі ўжо паехалі... проста ў двор. Гэта менавіта тое чаго і баяліся жыхары дому: грузавікі займаюць паркоўку, хутчэй будуць псаваць асфальт, ствараць нязручнасці для пешаходаў. Але галоўнае... Людзі зноў адчуваюць сябе падманутымі. Другі падман — жыхарам дому абяццалі ў сувязі з будаўніцтвам крамы наладіць асвятлення двара, але ліхтары як не гарэлі, так не гараць і зараз.
