Орша, Культура

Макеты помнікаў

19.12.2019 14:39

2556 праглядаў, 0 каментароў

Прымаюцца праекты на стварэнне помніка Канстанціну Астрожскаму — палкаводцу, які перамог пад Воршай у 1514-м.

У Дзятлаўскі гісторыка-краязнаўчы музей ад беларускіх скульптараў паступаюць макеты будучых помнікаў Канстанціну Астрожскаму (1460-1530) – дзяржаўнаму і ваеннаму дзеячу Вялікага княства Літоўскага. Чаму Дзятлава? Ён заснавальнік гэтага мястэчка на Гарадзеншчыне і менавіта там нарадзілася ідэя ўсталяваць помнік айчыннаму герою. Ад скульптараў паступіла 12 макетаў. Гэтыя помнікі пакуль знаходзяцца ў музеі, іх разгляне адмысловая камісія. Яна павінна выбраць найлепшы праект помніка Канстанціну Астрожскаму. Гэты помнік будзе ўстаноўлены ў Дзятлаве ў 2020 альбо ў 2021 годзе. Усё будзе залежаць ад грошай. Мясцовыя краязнаўцы ў размове з карэспандэнтам Orsha.eu, што лепей усталяваць помнік усё ж у 2020-м, паколькі Канстанціну Астрожскаму тады будзе 560 гадоў з дня нараджэння.