Здарэнне адбылося ў вёсцы Старое Сакалінае што ў Талачынскім раёне. Паведамляе газета "Наша Талачыншчына".
Адносна немаладая парачка, 63-гадовая жанчына і яе сужыцель вырашылі правесці час распіўшы бутэлечку-іншую. Неўзабаве, мабыць, штосьці пайшло не так, і сужыцелю прыляцела па галаве пустой шкляной бутэлькай, і не адзін, а цэлых тры разы.
Як аказалася, немаладая дэбашырка і раней любіла прыкласці бутэльку да чыёй-небудзь галавы, і нават была асуджаная за гэта.
Але вось, сітуацыя паўтарылася, жанчыну хутчэй за ўсё чакае пакаранне ў выглядзе арышту, згодна з артыкулам 153 КК РБ.
