Эпідэмія каранавіруса, якая пачалася ў асобных гарадах Кітая і паступова распаўсюджваецца, пужае і нашых суайчыннікаў. У Оршы ўжо былі заўважаныя маладзёны, якія кампаніяй гулялі ў масках на твары (хаця насамрэч такая маска наўрад ці сур’ёзна дапаможа ад віруснай хваробы), а ў аптэках, як і па ўсёй краіне, сёння можна і не знайсці такіх масак.
Адрэагаваў на эпідэмію і аршанскі бізнэс. Так, у Оршы пачалі прапаноўваць не звычайныя медычныя, а вясёлыя маскі зробленыя на аснове медычных. У прыватнасці такія вясёлыя маскі з роспісам прапаноўвае сувенірная «Цудоўная крама» на другім паверсе Молакава 5. Магчыма аршанцы змогуць хавацца ад віруса яшчэ і захоўваючы пазітыўны настрой.
