Міжнародны Дзень роднай мовы па рашэнні ААН адзначаецца штогадова 21 лютага, але ў гэтым годзе па закліку Аршанскай арганізацыі Таварыства беларускай мовы сябры кааліцыі аб'яднаных дэмакратычных сілаў і ўсе ахвотныя адзначылі яго ў суботу 22 лютага. У гэтым годзе ўдзельнікаў святкавання на розных этапах было не меньш за 5 дзесяткаў чалавек - нехта прыйшоў да помніку, але не далучыўся да культурнай вечарыны, нехта наадварот прысутнічаў на другой частцы ўрачыстасці, але не прысутнічаў каля помніка Караткевіча. На аршанскае святкаванне прыехалі, нават, актывісты з Круглянскага раёна. З помніка Караткевіча ўсё святкаванне і пачалося.
А 12 гадзіне ўдзельнікі ўрачыстасці сабраліся каля помніка дзе ініцыятары распавялі пра сутнасць Дня роднай мовы, а потым некалькі сябраў розных арганізацый дэмакратычнай кааліцыі ўчынілі групавое чытанне верша Уладзіміра Караткеіча прысвечанага беларускай мове. Другая частка адбывалася ўжо ў памяшканні, якое - як і мінулым годзе - з цяжкасцю змяшчала ўсіх ахвотных. Тут былі віктарына, напісанне дыктоўкі, прызы і на заканчэнне вечара творчая частка з песнямі і вершамі.
