Апошнім часама у Беларусі вельмі любяць на базе дзяржаўных прадпрыемстваў ствараць рознага роду холдынгі. Хаця і называецца гэта замежным словам, сутнасць гэтых аб'яднанняў у старой яшчэ савецкай завядзёнцы - на плечы больш-меньш багатага павесіць кучу бедных. У некаторых сітуацыях гэтая сістэма спрацоўвае і бедныя бяднеюць марудней, праўда, багатыя за кошт новага груза звычайна не багацеюць.

Ужо другі раз за апошнія 4 гады пад "аб'яднанне" падпадае аршанскі мясакамбінат. Чатыры гады таму ў Оршы быў створаны аб'яднаны гандлёвы дом "Оріс". Ствараўся ён за кошт багатага камбіната хлебапрадуктаў і сутнасць яго заключалася ў тым, каб шэраг аршанскіх прадпрыемстваў харчовай прамысловасці аддалі свой фірмовы гандаль аб'яднанай сетцы. Першым з гэтай сеткі выпаў малочны камбінат, які не зважаючы на "аб'яднанне" так і не выправіў прынцыпова сітуацыю і быў перададзены ва ўласнасць "Савушкін прадукт". Цяпер новае аб'яднанне атрымаў і мясакамбінат.

У канцы лютага быў падпісаны адпаведны ўказ прэзіджнта аб стварэнні ў Віцебскай вобласці аграпрамысловых холдынгаў. Сутнасць у тым, што стратныя сельскагаспадарчыя прадпрыемствы (а яны пераважны ўсе стратныя і датацыйныя) перадаць у валоданне прамысловым прадпрыемствам па перапрацоўцы сельскагаспадарчай прадукцыі. Праўда, прамысловыя прадпрыемствы таксама далёка не заўсёды мільянеры. Так, яшчэ 5 гадоў таму (калі мясакамбінат як акцыянернае таварыства публікаваў справаздачы аб сваім прыбытку) кожны квартал АМКК сыходзіў у сваіх даходах на мінус мільён даляраў. Пасля стварэння "Оріса" публічная статыстыка знікла, але сумніўна, што сітуацыя на прадпрыемстве прынцыпова змянілася.

Кіраўніком новага холдынга стане былы старшыня Бешанковіцкага райвыканкаму ўраджэнец Оршы Андрэй Булаўкін.