Рэгулярныя знікнення беларусаў на заробках у Расеі, на жаль, даўно сталі нормай. З'яжджаючы зарабляць на жыццё з прычыны дрэннага стану эканомікі ў роднай Беларусі, мужчыны часам ідуць на рызыку, пагаджаючыся на працу без гарантый у суседняй Расеі. Зрэшты, усіх абставінаў працы не расказаць, беларусы працуюць у розных умовах — ад заробкаў без афармлення ўсіх папер да афіцыйнага працаўладкавання. Напярэдадні наш сайт паведамляў аб зніклым на бязмежных прасторах суседняй краіны Аляксандры Скамейку з Оршы. Але аказалася, што ў лютым 2020 года перастаў выходзіць на сувязь са сваякамі і нараджэнец вёскі Корава Андрэй Масакоў.
Масакоў Андрэй Уладзіміравіч (04.02.1969 г.н.), які пражывае па адрасе: РБ, Віцебская вобл., Аршанскі р-н, в.Корава, вул.Паркавая, д.63. у студзені 2020 года паехаў на заробкі ў Расею. З 26 лютага ён перастаў выходзіць з роднымі на сувязь. Па апошнім месцазнаходжанні ўстаноўлена, што пражываў і працаваў у Маскоўскай вобласці, гарадской акрузе Істра, у вёсцы Ляшкова. Да цяперашняга часу пра яго месцазнаходжанне нічога не вядома.
