03:00

+8

6 м/с

977 гПа

06:00

+7

6 м/с

975 гПа

09:00

+8

7 м/с

975 гПа

12:00

+8

7 м/с

976 гПа

15:00

+9

7 м/с

980 гПа

Беларусь, Грамадства

Апазіцыя хоча падтрымаць выканкам

23.06.2014 15:36

2805 праглядаў, 24 каментара

Віцебскія актывісты падалі заяўку на шэсце ад помніка, якога яшчэ няма - паведамляе ПЦ "Вясна"

Гарадскія ўлады ўжо чацьвёрты год абяцаюць ўсталяваць у абласным цэнтры помнік князю Альгерду – славутаму дзеячу ВКЛ, падчас кіравання якога сярэднявечны Віцебск дасягнуў найвышэйшага росквіту. Апошняе абяцанне гарвыканкаму – усталяваць помнік 27 чэрвеня, а праз месяц, 27 ліпеня, актывісты хочуць правесці каля яго масавую акцыю.

Хрыстафор Жаляпаў, каардынатар па Віцебскай вобласці ПАГА «Рух« За Свабоду », Аляксей Гаўруцікаў - давераная асоба колішняга кандыдата ў Прэзідэнты Рэспублікі Беларусь, а цяпер палітвязня Статкевіча Мікалая Віктаравіча, Ян Дзяржаўцаў, сябра КХП БНФ,і Канстанцін Смолікаў, намеснік Віцебскай абласной рады Партыі БНФ падалі заяву ў Віцебскі гарвыканкам аб правядзенні вулічнага шэсця і мітынга. Імпрэзы запланаваныя на 27 ліпеня, і шэсце арганізатары хацелі б распачаць ад помніка Вялікаму князю Літоўскаму Альгерду, які гарадскія ўлады ўжо паабяцалі паставіць насупраць Свята-Уваскрасенскай царквы. Канцавы пункт шэсця - парк культуры і адпачынку чыгуначнікаў, дзе ў раёне цэнтральнай сцэнічнай пляцоўкі і з 13:00 да 14:30 плануецца правесці мітынг.

Мэта масавага мерапрыемства, паводле словаў аднаго з заяўнікаў Аляксея Гаўруцікава, гэта аб'яднанне грамадзян для адстойвання гісторыка-культурных каштоўнасцяў, суверэнітэту і незалежнасці Беларусі. А таксама падтрымка рашэння гарадскіх уладаў аб усталяванні ў Віцебску помніка Вялікаму князю Літоўскаму Альгерду.

Заяўка была пададзена 18 чэрвня, калі ўжо прагучала чарговае абяцанне ўсталяваць гэты помнік у Дзень горада. Ён адзначаецца 27 чэрвеня, адкрыццё помніка значыцца ў афішы святкаванняў, але дасюль не відаць прыкмет падрыхтоўкі да ўсталявання коннай скаульптуры князя. Паводле афіцыйнай інфармацыі, яна ўжо гатовая. Аднак пастамент, падрыхтаваны некалькі гадоў таму, так і стаіць пусты.

Сітуацыя з усталяваннем помніка складаная. Конкурс на лепшую выяву князя Альгерда прайшоў 4 гады таму, быў абраны пераможца – віцебскі скульптар Валеры Магучы. Але цяпер высветлілася, што да ўсталявання падрыхтавана скульптура іншага творцы – мінскага скульптара Сяргея Бандарэнкі. Чаму так адбылося, гараджанам не патлумачылі. Між тым жыхары Віцебску неабыякавыя да ўсталявання гэтага манументу: шмат хто з гараджан удзельнічаў у грамадскім абмеркаванні праектаў і ў спрэчках, якія нечакана разгарнуліся вакол пытання, ці трэба такі помнік увогуле. У горадзе, дый увогуле ў Беларусі ёсць нямала праціўнікаў гэтай ідэі, якія лічаць, што палітыка князя Альгерда была антырасійскай, а таму помніка ён не варты. Прычым тыя, хто супраць, актыўна пішуць лісты ў розныя інстанцыі, аж да Адміністрацыі Прэзідэнта, патрабуючы адмяніць рашэнне Віцебскага гарвыканкама аб ушанаванні ў горадзе памяці пра гэтага дзеяча. Гэтыя скаргі, падобна, замаруджваюць ажыццяўленне праекта, які падтрымлівае большасць гараджан. Таму і паўстала пытанне пра выказванне падтрымкі ініцыятывы па ўсталяванні помніка віцебскаму князю, лічаць арганізатары акцый.

Цяпер яны чакаюць адказу ад уладаў наконт шэсця ад пакуль што не ўсталяванага помніка.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Апазіцыя хоча падтрымаць выканкам

Віцебскія актывісты падалі заяўку на шэсце ад помніка, якога яшчэ няма - паведамляе ПЦ "Вясна"

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты [email protected]

Пользовательское соглашение