Уладзімір Караткевіч быў вядомым вандроўнікам, ён аб'ехаў усю Беларусь, быў ва ўсіх яе куточках. Ёсць і сумны факт — з падарожжа ён трапіў у бальніцу, дзе і памёр. Яшчэ ў мінулым годзе шэраг арганізацыяў абвесцілі правядзенне штогадовага вандроўнага фестывалю прысвечанага нашаму земляку. У мінулым годзе ў рамках фестывалю пісьменнікі з Мінску і іншых гарадоў наведалі Смаляны і Оршу.
Сёлета ў Оршы ў рамках вандроўнага фестывалю пройдзе вялікая літаратурная імпрэза, але пакуль рана выдаваць усе таямніцы. Таксама аматараў падарожжаў, арганізатары заклікаюць прайсці па Дняпры па мясцінах Караткевіча водным шляхам. Падрабязней пра мерапрыемствы і саму ідэю фестывалю вы можаце пачытаць тут на сайце фестывалю.
