У суседнім Лёзненскім раёне ўдалося спыніць злачынныя дзеянні. Двое нідзе не працуючых мужчын вырвалі прабой ўваходных дзвярэй і звялі з гаспадаркі каня. 22-гадовы віцяблянін і яго 21-гадовы прыяцель з Лёзненскага раёна ноччу здзейснілі набег на ферму дзеля таго, каб потым нажыцца на продажы жывёлы на мяса. Прапажу раніцай выявілі прадстаўнікі гаспадаркі і звярнуліся ў міліцыю. Па іх ацэнцы, прыблізны кошт выкрадзенага каня быў роўны амаль 2000 беларускіх рублёў. Супрацоўнікам крымінальнага вышуку ўдалося хутка ўстанавіць маршрут перамяшчэння зламыснікаў і кірунак будучых пошукаў. Дзякуючы гэтаму злачынцы неўзабаве былі затрыманыя. Жывым апынуўся і скрадзены конь. Яго вярнулі ў гаспадарку, а ў дачыненні да канакрада следчымі распачата крымінальная справа, паведаміла Аддзяленне інфармацыі і грамадскіх сувязяў УУС Віцебскага аблвыканкама.
<iframe width="640" height="360" src="https://www.youtube.com/embed/-cBaF55hQwU" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
