Орша, Здарэнні

Рабаванне па-аршанску

16.07.2020 19:27

3041 прагляд, 19 каментароў

Двое зладзюжак паспрабавалі вынесці дарагое музычнае абсталяванне з дома мужчыны, пакуль той спаў. На дапамогу прыйшла суседка.

41-гадовы жыхар Оршы ледзь не пазбавіўся двух электрагітар, акустычнай сістэмы, заплечніка і смарт гадзін на суму амаль 2700 рублёў. А ўсё з-за застолля, якое доўжылася два дні. Яго мужчына праводзіў у кампаніі сяброў. Пасля заканчэння вячорак, будучы ў стане моцнага ап’янення, ён сустрэў парачку незнаёмцаў. Тыя прапанавалі праводзіць яго да хаты і нават выклікалі яму таксі. Ужо ў кватэры госці сталі паводзіць сябе па-гаспадарску. Пакуль сапраўдны ўладальнік жылля пайшоў спаць, мужчыны пачалі выносіць упадабаныя рэчы.

Сабраўшы здабычу, злодзеі накіраваліся да выхаду. Тут на іх шляху паўстала суседка. Жанчына, якая добра ведала аб захапленні суседа музыкай, западозрыла нешта нядобрае. Яна дастала мабільны тэлефон і прынялася здымаць усё, што адбываецца. Заспетыя знянацку падазраваныя спалохаліся і, кінуўшы скрадзеныя рэчы, сталі ўцякаць з месца злачынства. Прыехаўшыя па выкліку супрацоўнікі міліцыі абудзілі пацярпелага, і той зразумеў, што яго абакралі. У хуткім часе былі ўстаноўлены і асобы злодзеяў. Імі апынуліся жыхары Воршы 1976 і 1988 гадоў нараджэння. У дачыненні да іх распачата крымінальная справа, выкрадзеныя рэчы вернутыя законнаму ўладальніку. Паведамляе УУС Віцебскага аблвыканкама.