Аўтамашыну "Опель-Мовано", якой кіраваў жыхар Маладзечны, супрацоўнікі АДАІ і АБЭЗ Аршанскага РУУС затрымалі каля поўначы на аўтадарозе Брэст - Менск - мяжа РФ каля вёскі Сенцюры. Аўтамабіль быў літаральна набіты ломам каляровага металу, які кіроўца хаваў у шматлікіх схованках. Мужчына абсталяваў у салоне падвойнае дно, хаваў метал пад абшыўкай салона, у бакавых стойках сядзенняў і пад імі, а таксама іншых кутках іншамаркі. Усяго ўладальнік грузу спрабаваў вывезці для збыту ў Расею амаль паўтары тоны каляровага металу. Кошт грузу, які складаецца ў асноўным з меднага дроту і элементаў труб, ацэньваецца амаль у 4600 рублёў.
Устаноўлена, што лом медзі мужчына нарыхтоўваў сярод насельніцтва свайго раёна без спецыяльнага дазволу. Раней ён ужо трапляў за аналагічнае правапарушэнне ў поле зроку праваахоўных органаў. У дачыненні да парушальніка складзены адміністрацыйны пратакол па частцы 1-1 артыкула 12.7 КоАП Рэспублікі Беларусь (незаконная прадпрымальніцкая дзейнасць). Нелегальны груз канфіскаваны. Затрыманне адбылося 14 ліпеня, вядома пра яго стала цяпер, паведамляе Аддзяленне інфармацыі і грамадскіх сувязяў УУС Віцебскага аблвыканкама.
