Рэгіён, Здарэнні

Гарэла ферма

04.09.2020 16:29

4580 праглядаў, 0 каментароў

У Барані гарэлі бакі, а ў Сенненскім раёне — ферма (відэа).

3-га верасня а 22:18 ратавальнікам на пульт паступіла паведамленне аб пажары фермы ў вёсцы Поршні Сенненскага раёна. У выніку пажару ў будынку кароўніка знішчаны дах, столевае перакрыцце, загінулі 12 цялятаў. Прычына пажару высвятляецца. Будынак кароўніка, які належыць фермерскай гаспадарцы «Аграсэрвіс Плюс», прызначаны для ўтрымання буйной рагатай жывёлы, а таксама для дагадоўвання маладняку. На момант узнікнення пажару ў будынку знаходзілася 76 кароў і 12 цялятаў ва ўзросце да 2-х месяцаў. Да прыбыцця падраздзяленняў МНС работнікамі прадпрыемства з будынка эвакуяваны 76 кароў. У выніку пажару загінулі 12 цялятаў ва ўзросце да 2-х месяцаў.

Амаль адначасова з гэтым, у 22-25 паступіла паведамленне аб загаранні смеццевых кантэйнераў па вуліцы Аршанскай ў горадзе Барань Аршанскага раёна. У выніку пажару пашкоджаны 4 смеццевых кантэйнеры. Прычына пажару высвятляецца.