Як паведамляе зводка МНС, пажар у вёсцы Зарубы Дубровенскага раёна распачаўся раніцай 19 верасня. Прыблізна а 7-40 загарэўся прыватны дом. У доме ў гэты час знаходзілася пенсіянерка 1963 года нараджэння. Яна не змагла самастойна выйсці з дома - яе выратавалі пажарныя. Жанчына значна пацярпела ад пажару: у яе атручанне дымам і апёкі. Бліжэйшы час жанчына правядзе ў мясцовай бальніцы.
А ў Аршанскім раёне пажар знішчыў аўтамабіль у вёсцы Парэчча. Ён загарэўся вечарам 18 верасня.
У абодвух выпадках прычыны пажару пакуль не высветлены.
