На Аршаншчыне працягваюць дзейнічаць махляры, якія з дапамогай тэлефонаў і інтэрнэту крадуць грошы з рахункаў людзей. Пры гэтым у міліцыі не паведамляюць, што арыштавалі махляроў, а колькасць падобных крымінальных эпізодаў толькі павялічваецца. На гэта раз ахвярамі сталі дзве пенсіянеркі з Оршы, у якіх бандыты "выдурылі" амаль 20 тысяч рублёў. Як звычайна, што было і ў ранейшых эпізодах, пенсіянеркам тэлефанавалі і называліся супрацонікамі банкаў, якія нібыта выявілі махінацыі з рахункамі жанчын. Тыя давалі веры невядомым па тэлефоне і паведамлялі коды картак, чаго рабіць нельга ніколі і ні пры якіх абставінах! Адпаведна, атрымаўшы інфармацыю, псеўдабанкіры адразу ж праводзілі аперацыі па зняцці грошай. У адной пенсіянеркі такім чынам былі скрадзеныя амаль 9 тысяч беларускіх рублёў, а другая пазбавілася болей за 10 тысяч.
Дзейнічае гэта адна група махляроў ці розныя, яшчэ належыць высветліць следству.
