Амаль кожны дзень уладальнік «Цудоўнай крамы» і нашага сайта Ігар Казмерчак сустракаецца з супрацоўнікамі фінансавай міліцыі. Нагадаем, што тыдзень таму ў «Цудоўную краму», якая гандлюе беларускай атрыбутыкай і творамі культуры прыйшлі з вобшукам. З таго часу амаль кожны дзень ідзе разбіральніцтва па фінансавым баку працы крамы і сайта. А ўчора вобшук адбыўся і дома ў Ігара Казмерчака.
Раніцай — як на працу — Ігар чарговы раз наведаў ДФР, на гэты раз яго абвінавацілі па адміністратыўным парушэнні — не правільным вядзенні кнігі заўвагаў і прапаноў. За гэтую адміністратыўку Ігару выпісалі штраф у 81 рубель. Але і на гэтым справа не скончылася. На панядзелак Казмерчака выклікаюць да пажарных інспектараў, каб таксама прыцягнуць да адміністратыўнай адказнасці. Праўда ў чым дакладна абвінавацяць на гэты раз пакуль нам не вядома.
