У рамках кампаніі "мы аршанцы, мы беларусы" грамадскае аб'яднанне "Звяз" абвяшчае яшчэ адзін конкурс. На гэты раз конкурс фотаздымкаў. Тэма конкурсу так і называецца "Мы аршанцы, мы беларусы". Фотаздымкі павінны быць абавязкова аўтарскія (ой хто дасылае іх на конкурс павінен сам іх зрабіць), але не абавязкова зробленыя спецыяльна дл конкурсу, вы можаце ўзяць фотаздымкі зробленыя раней. На шчасце ў гэтым годзе ў Оршы было што пафоткаць на вызначаную тэму.
Фотаздымкі на конкурс прымаюцца ў электронным выглядзе па адрасе [email protected] з пазнакай "конкурс фота" да 22 снежня. Адзін аўтар можа даслаць адразу некалькі фотаздымаў - колькасць не абмежаваная. Адмысловае журы вызначыць тры пераможцы, якія атрымаюць каштоўныя прызы.
