Раніцай 5 снежня загарэлася кватэра ў доме па завулку Лугавому. Пажар быў моцны і ў выніку яго загінула жанчына 1948 года нараджэння - каротка паведамляе зводка МНС.
А 2 снежня пажар адбыўся ў Талачыне па вуліцы Леніна. Тут таксама гарэла кватэра шматкватэрнага дома. На гэты раз ратавальнікам удалося выратаваць чалавечае жыццё. Гаспадар кватэры быў выведзены супрацоўнікамі МНС, перададзены лекарам хуткай дапамогі і шпіталізаваны. З-за пажару давялося эвакуяваць жыхароў суседніх кватэр, бо кватэра ў якой распачаўся пажар была на першым паверсе і вагонь мог перакінуцца на верхнія паверхі.
Але і гэта не ўсё. Таксама 5 снежня пажар адбыўся ў Якаўлевічах. Але тут адбылося без пагрозаў чалавечаму жыццю, бо гарэлі сараі.
