Эдуард Пятровіч Шульгін 1937 года нараджэння яшчэ 22 лістапада быў на Аршанскім вакзале дзе сядаў на электрычку Орша-Мінск - паведамляе пашуковы атрад "Анёл". Мужчына збіраўся ехаць у Коханава, але больш яго ніхто не пабачыў. Пошукі безвынікова вяліся паўтара тыдні.
3 снежня не далёка ад вёскі Пузырова іншы мужчына хадзіў па лесе і збіраў дробнае галлё для печкі. Зусім выпадкова зборшчык дроваў натыкнуўся на цела Эдуарда Пятровіча, мёртвае цела.
Чаму Эдуард Пятровіч замест Коханава апынуўся каля Пузырова, якое хоць і знаходзіцца ў тым жа кірунку адносна Оршы, але ўсё ж на вялікай адлегласці, мусіць разабрацца цяпер міліцыя. На целе не было знойдзена слядоў гвалту і чаму загінуў мужчына пакуль не зразумела.
