Беларусь, Культура

Цікавы фотаздымак вайны (фота)

09.12.2020 21:28

3476 праглядаў, 0 каментароў

У інтэрнэце прадаецца фотаздымак з выявай двух аршанскіх касцёлаў

Фотаздымак з цікавага ракурса з’явіўся ў інтэрнэце на продаж. Здымак зроблены з сёняшняй вуліцы Савецкай, але з боку прашпекта Тэкстыльшчыкаў. Тады вуліца Савецкая ішла крыху па іншаму і была больш узкай. Відавочна, што здымак зроблены немцамі, бо зроблены дзесці з сярэдзіны калоны вайскоўцаў. Частка вайскоўцаў едзе на машынах, частка на конях.

Самае каштоўнае, што на здымку зафіксаваныя адразу тры архітэтурных помнікі нашага горада: касцёл святога Іосіфа існуючы сёння, касцёл святога Антонія разбураны камуністамі ў 60-я гады 20-га стагоддзя і манастыр Францішканцаў існуючы сёння. Манастыр знаходзіцца проста за касцёлам святога Антонія і пазнавальны па характэрным двускатным даху. Акрамя манастырскага корпуса ўсе астатнія будынкі ўжо без дахаў. Касцёлу святога Іосіфа пашанцавала — яго пасля вайны адраманатавалі і перадалі пад дом культуры будаўнікоў. А барочны касцёл святога Іосіфа так і не спатрэбіўся савецкім уладам і ў апошнюю хвалю барацьбы з рэлігіяй быў знішчаны.

Кошт фотаздымка за які прадавец гатовы яго аддаць усяго 7,99 еўра + кошт дастаўкі (каля 2 еўра).