З раніцы ў рэгіёне назіраецца мацнейшая галаледзіца. Гэта стварыла праблемы як для пешаходаў, так і для кіроўцаў. Нам паведамілі ўжо пра больш як 5 аварыяў па ўсім раёне і ў суседніх. Не далёка ад крамы Алмі ў першым мікрараёне сутыкнуліся дзве легкавушкі, каля пажарнай часткі ў цэнтры адбылося адразу некалькі аварыяў, адна з іх з удзелам машыны таксі. На Усходняй машына дастаўкі вады ўрэзалася ў дваравую лаўку і г.д.
Найбольш яскравая аварыя адбылася ў Талачыне каля аўтобуснага прыпынку «Холодильник». Кіроўца пасажырскага аўтобуса, пад’зжаючы да прыпынку зразумеў, што дарога слізкая настолькі, што з пасажырамі праязжаць гэты ўчастак проста небяспечна. Ён папрасіў выйсці ўсіх пасажыраў, а сам паспрабаваў прыпаркаваць аўтобус, каб сыйсці з маршрута. Але нават такі манеўр не атрымаўся. Ужо стаячы аўтобус пад уласнай вагой проста пачаў спаўзаць па лёдзе на ўзбочыну. У выніку перагароджаная дарога і памяты прыватны плот. Сам аўтобус не пацярпеў, як і людзі. Пазней ён змог сваім ходам накіравацца ў аўтапарк.
Фота суполкі ДАІ у «УКантакце»
