Некалькі гектараў пакладзеных на зямлю дрэваў! Гэта магчыма было проста з-за лёду? Аказваецца магчыма!!!! Не здарма мы казалі, што тое надвор’е якое 29 снежня прайшло ў нашым рэгіёне можна параўнаць з ураганам Хаўер 2013 года. Мы ўжо пісалі, што Орша стала эпіцэнтрам стыхіі, але калі больш удакладняць, то найбольш пацярпеў Багушэшск і яго наваколіцы. Нагадаем, што аўтамабільная дарога на Багушэўск была завалена як мінімум трыма дрэвамі, у мястэчку была адключана электрычнасць, а цягнікі з Віцебску менавіта пасля Багушэўска спыняліся з-за таго, што дрэвы нападалі на чыгунку.
Прапануем вам відэа знятага з цягніка, які затрымаўся. У першых двух відэа вы можаце пабачыць маштабы паваленых дрэваў. На пошнім вы можаце пабачыць як цягнік едзе міма дрэва, якое павалілася на саму чыгунку. Галіны дрэва царапаюць цягнік.
