Вёска Роскі Сялец рэдка патрапляе ў якія-небудзь зводкі — занадта малая і спакойная. А тут раптам яна пераўтвараецца проста ў «Дзікі Захад» са стралянінай па людзях!!!

А пачалося ўсё 2 студзеня — як паведамляе БелТА са спасылкай на Следчы Камітэт. 16-гадовая ўнучка разам з сябрамі прыехала ў вёску, каб павіншаваць з Новым годам свайго дзядулі, які пражывае ў Роскім Сяльцы. Дзядуля быў дома, а ў двары знаходзіўся яшчэ адзін родзіч — дзядзя дзяўчыны, які быў на прыстойным падпітку. Канфлікт распачаўся амаль адразу і некаторы час ішоў у выглядзе слоўнай перапалкі. Тым не меньш, дзяўчына вельмі хацела патрапіць да дзядулі і пайшла ў дом, але — як ведала — папрасіла знаёмага з якім прыехала, каб той ратаваў яе калі пачуе крыкі.

Так і адбылося, праз некаторы час у хату зайшоў і дзядзя ўжо са стрэльбай і проста перад дзяўчынкай пачаў зараджаць зброю. Дзяўчынка спалохалася і сапраўды закрычала. Кінулася да дзвярэй, дзе ўжо быў ейны знаёмы. Ён прапусціў дзяўчынку, а сам сілай налёг на дзверы, каб узброены родзіч не змог выскачыць за пляменніцай. Калі дзяўчына адбегла на прыстойную адлегласць, тады хлопец адпусціў дзверы і пабег сам. Дзядзя, вырваўшыся з заблакаванай хаты, стрэліў у дагонку збягаўшых. Але алкаголь даў сваё — ён прамахнуўся, тады п’яны стрэліў яшчэ раз, але ўжо ў паветра. Абодва стрэлы нікога з людзей не закранулі, але на наступны дзень збегшая дзяўчына прыйшла ў міліцыю.