Раней да журналістаў пачалі звяртацца жыхары Менску і казаць аб тым, што на доме па вуліцы Карла Маркса побач з Адміністрацыяй прэзідэнта зніклі адразу некалькі шыльдаў пісьменнікам, у прыватнасці Янку Маўру і Уладзіміру Караткевічу. Аднак супрацоўнікі камунальнай гаспадаркі сталіцы супакоілі цікаўных - шыльду Караткевіча проста накрылі будаўнічым пакетам, а шыльду Янку Маўру часова знялі для правядзення ашалёвачных работаў. Пасля касметычнага рамонту фасаду на доме шыльды, якія знаходзяцца побач з уваходам у падземны пераход станцыі метро "Купалаўская", будуць вернутыя ў належнай форме.
