Сказаць, што гэта стала трагедыяй для мясцовых жыхароў, не магчыма — крама не карысталася вялікім поспехам: галоўным таварам у ёй даўно стала чарніла, а галоўнымі пакупнікамі тыя хто хадзілі ў суседні двор у пункт прыёма. Сама крама належыла гандлёвай сетцы ДорОРС, якая на фоне іншых сетак мае даволі кепскую рэпутацыю (хаця ў апошнія некалькі год заўважны рост якасці абслугоўвання), таму і ў мясцовых жыхароў, а гэта крама так званай крокавай даступнасці, яна не была папулярная пры наяўнасці побач іншых крамаў. Больш за тое, некалькі год таму крама ледзь не згарэла.
Праўда аніводная з пералічаных прычынаў не з’яўляецца асноўнай падставай для закрыцця крамы. Галоўнае — дом у якім знаходзіцца крама будзе рассляцца пад знос. Таму і цырульня ў тым жа доме калі яшчэ і працуе, то таксама будзе зачыненая.
А дамы па вуліцы Заслонава сапраўды пара зносіць — яны будаваліся як часовае жыллё, усе перагародкі ўнутры зробленыя «дранкай», якая з цягам часу пераўтвараецца ў пыл, унутры не прадугледжаныя гарачая вада і г.д. Для аршанцаў пасляваеннага часу такія дамы былі прымальныя, але ў 21 стагоддзі дзіўна, што ў іх яшчэ нехта жыве.
На фото: крама пасля пажару.
