Орша, Здарэнні

Злавілі закладчыка (відэа)

16.03.2021 17:21

2883 прагляду, 0 каментароў

Міліцыя паведаміла пра тое, што злавіла нарказбытчыка, які раскладаў у Оршы наркатычныя «закладкі»

Закладчыкаў злавіць вельмі складана — гэта тыя наркакур’еры, якія працуюць з інтэрнэт-крамамі ў асартыменце якіх наркотыкі. Кліент дамаўляецца пра пакупку праз інтэрнэт, аплочвае, а потым яму дасылаюць адрас па якім ён можа забраць «закладку» з таварам. Вось кур’еры і раскладаюць тыя закладкі ў нечаканых месцах. Адсачыць іх у момант закладвання не магчыма. Таму затрыманне пра якое паведаміла міліцыя сапраўды поспех.

А затрыманы быў 24-гадовы аршанец. Ён як раз вяртаўся з Магілёва дзе ўзяў чарговую партыю небяспечнага наркотыка «Альфа PVP». Пры ім было знойдзена 20 скруткаў агульнай вагой у 5 грамаў. Было высветлена, што раскладкай ён займаецца ўжо больш за год. А дапамагала яму ў «бізнэсэ» ягоная 19-гадовая сужыцелька, якая цяпер таксама пойдзе пад суд.