Орша, Здарэнні

Згарэлі тры аўтамабілі

17.03.2021 12:48

2629 праглядаў, 0 каментароў

За суткі ў Оршы два падобных пажары

Першы пажар, як паведамляе публічная зводка МНС адбыўся на прашпекце Тэкстыльшчыкаў у ноч з 15 на 16 сакавіка прыблізна а 1-45. Тут загарэўся мікрааўтобус Пежо Боксер 2009 года выпуска. Вагнём таксама быў пашкоджаны стаяўшы побач аўтамабіль Пежо Боксер 2010 года выпуска. Першы аўтамабіль быў знішчаны вагнём амаль цалкам, у другога пашкоджана фарба. Варта адзначыць, што Пежо Боксер гэта не простая легкавушка, а рэальны мікрааўтобус, або міні-грузавічок. У нашым горадзе такія звычайна выкарыстоўваюцца для бізнэса: або маршруткі, або для перавозкі грузаў па горадзе. Улічваючы, што два аднолькавых аўтамабілі стаялі побач, можна выказаць здагадку, што належылі яны аднаму ўладальніку.

Раніцай 16 у Оршы загарэўся і яшчэ адзін аўтамабіль. Опель Вектра на вуліцы Паўднёвай. У дадзеным выпадку вагнём пашкоджаны салон легкавога аўтамабіля.