Орша, Здарэнні

Гэта выпадковасць ці не?

18.03.2021 11:21

3063 прагляду, 0 каментароў

Некалькі дзён запар у Оршы гараць аўтамабілі

У ноч з 15 на 16 сакавіка ў Оршы згарэў адзін аўтамабіль і вагнём быў пашкоджаны другі Пежо Боксер. Раніцай 16-га згарэў Опель Вектра.

Свежая зводка МНС паведамляе, што ў ноч з 17-га на 18-е сакавіка на вуліцы Міра загарэўся легкавы аўтамабіль Мэрсэдэс-Бэнц. Як і ў першым выпадку акрамя самога гарэўшага аўтамабіля, пацярпеў яшчэ і яго сусед Рэно. У Мэрсэдэса пашкоджаны салон і маторны адсек, а ў Рэно пашкоджана пакрыццё бампера і пярэдняе крыло.

Ва ўсіх выпадках МНС яшчэ высвятляе прычыну здарэнне. Але калі меньш чым за трое сутак у горадзе пашкоджаны вагнём 5 аўтамабіляў, то гэта выклікае розныя чуткі. Пакуль рана казаць пра падпалы аўто. Насамрэч гэта можа быць і выпадковасць. Так, у Пежо Боксераў, як раз, самае слабае месца ў канструкцыі праводка. На вуліцы вільготна і гэта можа выклікаць замыканні ў праводках аўтамабіляў, што і можа прыводзіць на ўзгарання.