Здарэнне адбылося ў Сененскім раёне 23 сакавіка, праўда ў якім населеным пункце Следчы камітэт не паведамляе. 66-гадовая жанчына спакойна была ў двары свайго дома калі да яе падыйшоў 54-гадовы раней судзімы жыхар суседняй вёскі, які запатрабаваў у пенсіянеркі грошы і падмацаваў сваё патрабаванне ўдарам. Жанчына запратэставала і тады нападнік пачаў проста збіваць жанчыну.
Пасля некалькіх удараў ахвяра заявіла, што грошы ў яе дома. Вор паверыў і даў магчымасць жанчыне ўвайсці ў хату. Яна паспела перад самым носам рабаўніка захлопнуць дзверы. Але мужчына не спыніўся, разбіў вакно і праз яго хацеў залезці ў хату. Спыніла яго толькі тое, што ён пачуў як жанчына пачала званіць у міліцыю.
Мужчына збег. але не надоўга. Яго злавіла міліцыя і высветліла, што нападнік быў выпіўшы.
На фота: разбітае вакно ў хаце ахвяры.
