Орша, Здарэнні

Дамушніка спалохала сігналізацыя (відэа)

25.03.2021 11:39

2667 праглядаў, 0 каментароў

Супрацоўнікі «Аховы» злавілі вора, які спецыялізуецца на крадзяжах з дамоў

Па Задняпроўі, а дакладней па завулку Школьнаму поздна ноччу 18 сакавіка гуляў раней як мінімум двойчы судзімы 32-гадовы аршанец. Ці ён ужо хадзіў са злачыннай задумай ці проста праходзіў міма і вырашыў «паработаць» супрацоўнікі дэпартамамента «Ахова» не распавялі. Але залезці ў чужы дом мужчына рызыкнуў. Ён сувануўся ў вакно, але не разгледзеў, што дом знаходзіцца на сігналізацыі, якая і запішчала. Пачуўшы гук сігналізацыі, злачынца палічыў за лепшае хутка збегчы. А праз некалькі хвілін на месцы ўжо былі супрацоўнікі ахоўнага падраздзялення міліцыі.

Злачынцу шукалі з дапамогай сабакі. Навучаная жывёла два кіламетры вяла міліцыянтаў па следу і прывяла да шматкватэрнага дому. Праўда на месцы затрымаць мужчыну не ўдалося. Падключылі камеры відэаназірання, якія і дапамаглі высветліць прыкметы няздалага дамушніка. Каля першай гадзіны наступнага дня падазраваны быў затрыманы і даў паказанні.