На рэспубліканскі суботнік Лукашэнка чарговы раз прыехаў у Шклоўскую Александрыю. Нагадаем, што некалькі дзён таму ў Шклове быў затрыманы старшыня Партыі БНФ Рыгор Кастусёў. Пасля бачнасці работы, Лукашэнка традыцыйна пагаварыў з набліжанымі журналістамі. Зразумела, што рэзананснае затрыманне было галоўнай тэмай размовы.
Лукашэнка зноў выдаў неверагодную версію падзеяў: паводле яго Кастусёў (у меньшай ступені), Зянковіч, Фядута і некалькі іншых чалавек планавалі пакушэнне на яго і яго сыноў. У планах быццам бы было схапіць аднаго ці двух сыноў і пасадзіць у падрыхтаваны пограб дзесці ў Гомельскай вобласці.
Увогуле ўчора розныя крыніцы напрацягу дня давалі кавалкі інфармацыі пра гэтую затрыманні. Так, расейскае ФСБ паведаміла, што Фядута і Зянковіч у Маскве рабілі змову і сустракаліся з нейкімі беларускімі генералам (імёны не называюцца), якія мусілі пад час традыцыйнага параду 9 мая захапіць у Мінску стратэгічныя будынкі, блакаваць АМАП і ўчыніць пераварот.
Хоць нейкія доказы «падрыхтоўкі перавароту» прадставіў тэлеканал АНТ. Праўда і гэтыя доказы выглядаюць даволі слаба — паводле журналістаў названыя людзі разам з шэрагам былых сілавікоў ды навукоўцаў удзельнічалі ў агульнай зум-канферэнцыі дзе выпрацоўвалі планы пераварота. Самі ўдзельнікі тых канферэнцыяў патлумачылі незалежным журналістам, што канферэнцыя — гэта быў публічны дыскусійны клуб, які дзейнічаў са студзеня і дзе выступалі розныя эксперты, размаўляючы пра магчымыя сцэнары развіцця палітычных падзеяў у краіне. У тым ліку, прагаворвалася і тэарэтычная магчымасць дзяржаўнага перавароту, але ніхто з удзельнікаў (пераважна даследчыкі-навукоўцы) яго не рыхтаваў, а толькі абмяркоўвалі як адзін з магчымых варыянтаў падзей.
Выглядае гэтае абвінавачанне ў падрыхтоўцы ўзбронага перавароту не надта пераканаўча. Тым больш, што раней нейкія падобныя малаверогодныя сцэнары ўлады агучвалі. Напрыклад у 2006 годзе старшыня КДБ абвінаваціў пртэстуючых у тым, што яны планавалі атруціць ваду з дапамогай дохлых пацукоў, што было тэхнічна не магчыма. А перад выбарамі ў спробе дзяржперавароту абвінавацілі некалькіх супрацоўнікаў расійскай вайсковай кампаніі «Вагнэр». Калі верыць таму, што дзяржаўныя журналісты казалі тады, то некалькі соцень Вагнераўцаў і зараз бегаюць дзесці па Палессі з мэтай «дэстабілізацыі абстаноўкі». Праўда затрыманых Вагнэраўцаў тады спакойна адпусцілі ў Расію. Сумніўна, што Кастусёва, Фядуту і Зянковіча таксама адпусцяць.
