Рэгіён, Здарэнні

Смерці на дарогах (фота)

18.04.2021 17:17

3379 праглядаў, 2 каментара

За двое сутак на дарогах рэгіёна загінулі трое чалавек

Першае здарэнне пра якое паведамляе прэс-служба ДАІ праз сваю суполку ў сацыяльнай сетцы «УКантакце», адбылося ноччу 16 красавіка. Мікрааўтобус Мэрсэдэс-Бэнц Спрынтар рухаўся па М1 на тэрыторыі Дубровенскага раёна і наехаў на пешахода. Мужчына 1978 года нараджэння — той самы пешаход загінуў на месцы.

Другое здарэнне адбылося ў ноч з 17 на 18 красавіка. Легкавушка «Пежо 408» ехала па дарозе Талачын-Круглае. На адным з участкаў дарогі 38-гадовы кіроўца не справіўся з кіраваннем і выляцеў на збочу па ходу руха. Машына перакулілася. У выніку пасажырка 1984-га года нараджэння загінула на месцы, а кіроўца памёр калі яго спрабавалі давесці да бальніцы.