Колькі б самі банкі і міліцыя не папярэджвала пра тэлефонных махляроў, але ахвяры знаходзяцца. Яшчэ адну аршанку нядаўна развялі і адразу ж на 17.000 рублёў.
Ёй на мэсэнджар пазваніў невядомы, які прадставіўся супрацоўнікам нацыянальнага банку і напужаў тым, што проста ў дадзены момант нехта на яе імя аформіў чатыры крэдыты ў розных банках і нават прадставіў у якасці доказу фальшывыя дакуманты з банкаў. Аршанка паверыла і напужалася. А махляр працягваў: калі хочаце, я вам дапамагу, але трэба тэрмінова аформіць рэальныя крэдыты і сумум перавесці на страхавы рахунак. Здавалася б, наіўны развод, нават банальны, бо шмат людзей так ужо патрапляліся. І ў дадзены момант таксама падзейнічала — аршанка паверыла, усё аформіла і толькі потым зразумела, што грошы па крэдытах яна адправіла невядома каму.
Міліцыя занялася справай, але такія махлярствы раследваць вельмі складана і не факт, што ў дадзеным выпадку жанчыне вярнуцца ўзятыя ў крэдыт сродкі.
