Сёння ў Беларусі ўжо больш за 400 асобаў прызнаныя палітвязнямі. Пасля смерці ў Шклоўскай калоніі Вітольда Ашурка, многія запытваюць: як можна падтрымаць людзей, якія з-за палітычных рэпрэсіяў апынуліся за кратамі?
Самы просты спосаб падтрымаць палітвязняў — напісаць ім ліст падтрымкі, ці адправіць сціплую паштоўку з двума-трыма сказамі цёплх словаў. Гэта важна, бо зняволеныя калі і атрымліваюць навіны з волі, то ў пераказе журналістаў. А звычайныя простыя навіны са словаў людзей ім недаступныя — тое на што на волі мы зусім не звяртаем увагі. Праўда, у мінулым і ў гэтым годзе мы бачылі прыклады катаванняў палітвязняў, калі адміністрацыі вязніцаў не перадавалі ім лісты. Тады можна выкарыстаць іншы метад — адправіць грашовы пераказ. Грошы вязням перадаваць абавязаны — іначай атрымліваецца крадзёж з боку адміністрацыі.
мы запускаем шэраг публікацыяў з адрасамі і апісаннем асобаў, якія прызнаныя палітвязнямі і знаходзяцца ў суседніх з Аршанскім раёнах. Не палянуйцеся выказаць ім падтрымку, а мы кожны дзень будзем пісаць пра аднаго з іх.
Георгій Васіленка — прадпрымальнік з Гомеля. 16 жніўня ён быў адным з тых хто на плошчы Леніна ў Гомелі спусціў чырвона-зялёны сцяг і на флагштоку паднялі бел-чырвона-белы. Выявілі тады толькі яго. За гэта Георгій атрымаў два гады «хіміі» па артыкуле «злоснае хуліганства», хаця суд не выявіў асобаў якія пацярпелі ад «хуліганства» Георгія. На волі ў
Сёння Георгій Васіленка адбывае сваё пакаранне ў Шклоўскай хіміі. Адрас для допісаў: выпраўленчая ўстанова адкрытага тыпу № 49, 213010, г. Шклоў, вул. Маладзёжная 2б, Георгію Васіленка.
