Орша, Здарэнні

Затрымалі шантажыстаў (відэа)

26.05.2021 09:33

4891 прагляд, 0 каментароў

Чатырох мужчынаў, якія шантажавалі знаёмага затрымалі ў Оршы

Справа распачалася яшчэ ў пачатку траўня. Да 35-гадовага аршанца імя якога не паведамляецца пачаў чапляцца знаёмы, які быццам бы аказаў яму паслугі. Сярод паслугаў: добраўпарадкаванне могілак і «выбіванне» пазыкаў. Праўда, следчыя даведаліся, што аніякія паслугі выкананыя не былі. Спачатку на пацярпелага «наехаў» знаёмы, а потым ён заручыўся падтрымкай яшчэ трох чалавек і ўвесь квартэт запатрабаваў 1.400 даляраў. Калі ён не аддасць грошы, то яму пагражалі гвалтоўнай расправай. І яму і яго родным, а таксама пагражалі адабраць аўтамабіль.

Мужчына спрабаваў хавацца ад самазваных калектараў, але ў выніку звярнуўся ў міліцыю. Міліцянты арганізавалі перадачу «пазыкі» і затрымалі шантажыстаў на гарачым. Момант затрымання быў засняты на відэа.